Er mwyn cwrdd ag anghenion chwarae pob plentyn yng Nghymru a phob un sy'n gweithio ble y bydd plant yn chwarae, mae Chwarae Cymru wedi datblygu cyfres newydd o gymwysterau a elwir yn Gwaith Chwarae: Rhoi Egwyddorion ar Waith neu'n P3.
Mae’r rhain yn cynnwys cymhwyster gwaith chwarae lefel 2, yn ogystal â chymhwyster lefel 3. Gellir trosglwyddo P3 trwy gyfrwng y Gymraeg neu'r Saesneg.
Adolygu P3 - diweddariad
Rydym yn y broses o adolygu P3 yn ystod 2018 a dechrau 2019. Mae cymhwyster newydd Gwaith Chwarae: Rhoi Egwyddorion ar Waith yn cael ei ddatblygu fel rhan o’n partneriaeth gydag Addysg Oedolion Cymru | Adult Learning Wales ac Agored Cymru.
Ein bwriad yw y bydd y cymwyster Dyfarniad Lefel 2 mewn Arfer Gwaith Chwarae (L2APP) yn ffurfio unedau o’r cymwysterau Lefel 2. Mae hyn yn golygu y bydd dysgwyr sy’n meddu ar y cymhwyster hwn eisoes wedi cwblhau rhan o gymhwyster llawn P3.
Byddwn yn ymgynghori â’r sector ar yr unedau arfaethedig, maint y cymwysterau a’r cynnwys terfynol yn ystod 2018.
Bydd P3 ar ei newydd wedd ar gael i’w drosglwyddo gyntaf ym mis Medi 2019.